У Беларусі — ясныя вочы,
Многа любві ў грудзях.
Звонкае поле,
Звонкія сосны,
Звонкі і сонечны шлях.
П.Броўка

29 верасня 2022 г. сярод вучняў 10-х класаў сярэдняй школы № 43 адбылася гульня-конкурс «За Беларусь!».

Вучні прынялі актыўны ўдзел у мерапрыемстве, паказалі і паглыбілі свае веды па беларускай мове, літаратуры, гісторыі, культуры, традыцыях і звычках, праявілі кемлівасць. Асаблівую цікавасць выклікалі конкурсы «Адгадай горад па апісанню», «Збяры пазл», гульні «Накармі беларуса», «Хто ёсць хто», «Ты — мне, я — табе», у якіх вучні выявілі свае творчыя здольнасці, знаходлівасць, дапытлівасць. Дадзенае мерапрыемства спрыяла фарміраванню устойлівага жадання садзейнічаць росквіту Беларусі ў маладога пакалення.

Дзесяцікласнікі зрабілі для сябе выснову, што любіць сваю краіну немагчыма, калі не ведаеш, чым яна жыла, як жыве зараз, да чаго імкнецца. Вывучаць, пазнаваць, разумець сваю зямлю, яе народ, бадай, самая галоўная задача для юнакоў.

Пазнякова Наталья Іванаўна,
настаўнік хіміі