Восень — самая прыгожая пара года, час, калі паэты і пісьменнікі складаюць чароўныя творы. А мастакоў яна натхняе на стварэнне сваіх самых лепшых твораў мастацтва.

2 лістапада 2023 года ў школьнай бібліятэцы дзяржаўнай установы адукацыі «Сярэдняя школа № 38 г.Магілева» для ўсіх, хто наведаў бібліятэку ў гэты дзень, прайшла паэтычная гадзіна «Залатая восень». У ходзе мерапрыемства навучэнцы чыталі вершы В. Жуковіча «Жураўліны вырай», Я. Купалы «Лістапад», А. Вольскага «Зазвініць званок».

Бібліятэкар расказала пра прыкметы восені, восеньскія святы. Вучні ўзгадвалі прыказкі і прымаўкі, адгадвалі загадкі, разгадвалі крыжаванку. Навучэнцам вельмі спадабалася гульня «Бульба». Мерапрыемства прайшло цікава і займальна, навучэнцы атрымалі станоўчыя эмоцыі.

Бібліятэкар Зайцава Т.Я.